Mae rheoli anemia amlawdriniaethol yn elfen allweddol o Reoli Gwaed Cleifion (PBM) llawfeddygol, gyda'r nod o wella canlyniadau trwy adnabod a thrin anemia ar draws y llwybr llawfeddygol - cyn, yn ystod ac ar ôl llawdriniaeth.
Mae anemia yn gyffredin mewn cleifion llawfeddygol, ac mae'n gysylltiedig â risg uwch o gymhlethdodau, arosiadau hir yn yr ysbyty, a dibyniaeth gynyddol ar drallwysiadau gwaed. Mae rheolaeth ragweithiol yn helpu i optimeiddio lefelau haemoglobin, lleihau gofynion trallwyso, a gwella adferiad ar ôl llawdriniaeth.
Mae'r rhaglen hon yn adeiladu ar ganllawiau cenedlaethol ac arfer gorau clinigol i gefnogi gofal anemia cyson, sy'n seiliedig ar dystiolaeth, ar draws GIG Cymru.
