Lansiwyd grŵp risgiau Trallwyso BHNOG yn wreiddiol fel y Gweithgor Peryglon Difrifol o ran Trallwyso (SHOT), a chafodd ei sefydlu i gefnogi gweithredu argymhellion SHOT, a monitro digwyddiadau a oedd yn cael eu hadrodd ar draws Cymru i gynlluniau hemowyliadwriaeth y DU; Asiantaeth Rheoleiddio Meddyginiaethau a Chynhyrchion Gofal Iechyd (MHRA) a SHOT.
Yn sgil cyhoeddi’r ar yr Ymchwiliad i Waed Heintiedig (IBI adroddiad ac yn benodol, argymhelliad 7e, sy'n tynnu sylw at y pwysigrwydd o roi gwybod am Beryglon Difrifol o ran Trallwyso (SHOT), a gweithredu ei argymhellion, a chydnabod mai dim ond cyfran fach o bryderon sy'n gysylltiedig â thrallwyso sydd yn cael eu hadrodd i MHRA a SHOT, mae BHNOG yn cydnabod yr angen i gael gwell dealltwriaeth o’r risgiau, i fedru deall a mynd i'r afael â'r risgiau hyn yn llawn yng Nghymru.
O fis Gorffennaf 2025 ymlaen, cafodd argymhellion SHOT eu disodli gan Safonau Diogelwch Trallwyso SHOT i fynd i'r afael â thueddiadau cylchol a sefydlu dull rhagweithiol tuag at wella diogelwch.
Mae cylch gwaith y Grŵp Risgiau Trallwyso bellach wedi ehangu i fonitro a darparu goruchwyliaeth o'r risgiau trallwyso yng Nghymru, ac i gefnogi unrhyw gamau gweithredu a gynhyrchir; maen nhw hefyd yn cefnogi gweithredu unrhyw safonau ac argymhellion sy’n ymwneud â diogelwch trallwyso, gan gynnwys SHOT. Mae hyn yn rhoi cyfle i ddysgu ar y cyd ac i ddatblygu camau gweithredu ar gyfer lliniaru ac uwchgyfeirio.
Bydd hyn yn cael ei gyflawni drwy weithio mewn partneriaeth â gweithwyr gofal iechyd proffesiynol allweddol ac arbenigwyr pwnc ym meysydd ymarfer trallwyso, hemowyliadwriaeth ac ansawdd a diogelwch cleifion.
Ar hyn o bryd, mae’r grŵp yn cael ei gadeirio gan Rachel Borrell, Rheolwr Gweithredol y Tîm Iechyd Gwaed.
