Anemia
Y Ffrwd Waith
Mae rheoli anemia yn cwmpasu tri nod strategol Cynllun Iechyd Gwaed GIG Cymru:
- Cefnogi unigolion i reoli eu hiechyd a'u lles, gan osgoi ymyrraeth ddiangen
- Defnyddio tystiolaeth a data i lywio cynllunio, gwella arfer a lleihau amrywioldeb
- Rhoi diogelwch ac ansawdd wrth wraidd gofal gan leihau defnydd amhriodol a chefnogi arloesedd
Mae'r ffrwd waith anemia yn cydnabod mai rheoli anemia yw piler cyntaf y cysyniad a gydnabyddir yn fyd-eang o reoli gwaed cleifion. Gyda llawer o is-gategorïau o gleifion sydd angen cymorth anemia penodol, mae'r ffrwd waith wedi canolbwyntio eu gwaith cychwynnol ar optimeiddio cyn llawdriniaeth.
Mae'r ffrwd waith anemia wedi'i nodi fel ffrwd waith allweddol ar gyfer Grŵp Goruchwylio Iechyd Gwaed Cenedlaethol ac fe'i harweinir gan Dr Caroline Evans, Anesthetydd Ymgynghorol ym Mwrdd Iechyd Prifysgol Caerdydd a'r Fro.
Os oes gennych ddiddordeb mewn dysgu mwy am y ffrwd waith, neu os hoffech gymryd rhan, cysylltwch â WBS.BloodHeathTeam@wales.nhs.uk
Rhaglen Anemia Amlawdriniaethol
Mae’r rhaglen hon, sy’n canolbwyntio ar ofal llawfeddygol, yn cefnogi cleifion trwy ddau lwybr anemia sydd wedi cael eu datblygu’n genedlaethol yng Nghymru:
• Mae'r Llwybr Anemia Cyn-llawdriniaeth Cenedlaethol, sydd wedi'i safoni ar draws Byrddau Iechyd y GIG, yn gallu adnabod a thrin anemia yn gynnar mewn cleifion sy'n cael llawdriniaeth ddewisol fawr.
• Gan adeiladu ar sylfeini cryf y Llwybr Anemia Cyn-llawdriniaeth, mae'r Llwybr Anemia Ôl-driniaethol yn rheoli anemia mewn cleifion sy'n cael llawdriniaeth argyfwng nad ydynt yn gallu cael eu trin cyn llawdriniaeth.
